Претседателот на Здружението на јавните обвинители на Денови на македонската адвокатура

---

 

Претседателот на Здружението на јавните обвинители Елвин Вели се обрати на свеченоста по повод почетокот на манифестацијата Денови на македонската адвокатура што се одржува во Струга.

„Релациите меѓу адвокатите и обвинителите никогаш не биле едноставни. Многу често ние сме на спротивставени страни во судницата, ги вкрстуваме аргументите и ја браниме сопствената теорија. Но, уверен сум дека целта ни е иста, а тоа е правдата да биде задоволена. За сите страни и во сите околности“, истакна јавниот обвинител Вели во своето обраќање.

Здружението на јавните обвинители и Адвокатската комора како професионални организации, секоја во својата фела, имаат обврска да се залагаат и да инсистираат за доследнa примена на етичките стандарди во двете професии, додаде тој.

Адвокатската комора и Здружението на јавните обвинители имаат потпишано Меморандум за соработка со кој е предвидена соработка во повеќе области, а во следниот период интензивно ќе се работи на реализација на планираните активности.